15 жніўня, Мінск /Кар. БЕЛТА/. Выстава карцін беларускіх мастакоў са збору Нацыянальнага мастацкага музея Беларусі адкрыецца ў сталіцы Кітая Пекіне 23 кастрычніка, паведаміў на прэс-канферэнцыі генеральны дырэктар музея Уладзімір Пракапцоў, перадае карэспандэнт БЕЛТА.
На выставе будуць экспанавацца 57 работ беларускіх аўтараў. Выстава прадоўжыцца на працягу двух месяцаў у Нацыянальным мастацкім музеі Кітая ў Пекіне.
У наступным годзе ў Мінску адбудзецца выстава ў адказ з Нацыянальнага мастацкага музея Кітая.