Падзеі, факты, анонсы
Выстаўка ў Мінску прадставіць 23 работы з залатога фонду сучаснага мастацтва Кітая
27 ліпеня, Мінск /Кар. БЕЛТА/. У Мінску будуць прадстаўлены 23 работы з залатога фонду сучаснага мастацтва Кітая, якія атрымалі прэміі на 12-й Усекітайскай выстаўцы мастацкіх работ. Як паведамілі БЕЛТА ў Нацыянальнай бібліятэцы Беларусі, дзе пройдзе экспазіцыя, вернісаж адбудзецца 31 ліпеня.
Гэтыя творы жывапісу і графікі сведчаць аб высокім узроўні майстэрства мастакоў, а таксама дэманструюць асноўныя тэндэнцыі развіцця мастацкай творчасці ў Кітаі за мінулыя пяць гадоў, адзначылі ў Нацыянальнай бібліятэцы.
Мэта выстаўкі, якая будзе працаваць да 10 жніўня, - пашырэнне супрацоўніцтва паміж Беларускай канфедэрацыяй творчых саюзаў і Асацыяцыяй культуры і мастацтва КНР, творчымі саюзамі дзвюх краін, актывізацыя культурнага супрацоўніцтва на міжрэгіянальным узроўні.
версія для друку
зрабіць стартавай
дабавіць у выбранае