Падзеі, факты, анонсы

У лёгкаатлетычным турніры II Гульняў краін СНД выступяць юныя спартсмены з дзевяці дзяржаў

3 жніўня, Мінск /Кар. БЕЛТА/. У лёгкаатлетычным турніры II Гульняў краін СНД выступяць юныя спартсмены (2009 года нараджэння і маладзейшыя) з дзевяці дзяржаў. Беларусь прадставяць 67 атлетаў, паведамілі БЕЛТА ў Беларускай федэрацыі лёгкай атлетыкі.

У лёгкаатлетычную праграму Гульняў увайшлі бегавыя дысцыпліны: 60 м, 60 м з/б (з бар'ерамі), 300 м, 300 м з/б, 600 м, 2000 м, змешаная эстафета 4х200; спартыўная хадзьба 3000 м; скачкі ў даўжыню, скачкі ў вышыню, скачкі з шастом; штурханне ядра, кіданне дыска, кіданне кап'я, кіданне молата; мнагабор'е. У кожным відзе праграмы ад адной краіны могуць выступіць па два спартсмены.

Асноўнай арэнай спаборніцтваў з 5 па 8 жніўня стане Нацыянальны алімпійскі стадыён "Дынама", а спаборніцтвы кідальнікаў пройдуць на базе РЦАП па лёгкай атлетыцы па вул.Каліноўскага. Разам з беларусамі за 31 камплект узнагарод Гульняў будуць спаборнічаць спартсмены з Азербайджана, Арменіі, Казахстана, Кыргызстана, Расіі, Таджыкістана, Туркменістана і Узбекістана.

II Гульні краін СНД пройдуць з 4 па 14 жніўня ў Мінску, Брэсце, Віцебску, Гомелі, Гродне, Магілёве, Салігорску, Оршы, Маладзечне і Жлобіне. За ўзнагароды ў 20 відах спорту будуць спаборнічаць больш за 2 тыс. атлетаў з 23 дзяржаў. Цырымоніі адкрыцця (5 жніўня) і закрыцця (13 жніўня) адбудуцца ў "Мінск-Арэне".

версія для друку

зрабіць стартавай

дабавіць у выбранае