Падзеі, факты, анонсы

Трэці анлайн-марафон у падтрымку медыкаў пройдзе 8 мая

Фота з архiва

5 мая, Мінск /Кар. БЕЛТА/. Прадзюсарскі цэнтр "Спамаш" 8 мая правядзе трэці анлайн-марафон #БеларусьБезCovid у падтрымку медыцынскіх работнікаў, паведамілі БЕЛТА арганізатары.

Анлайн-марафон пачнецца ў 12.00 і пройдзе ў фармаце бесперапыннага канцэрта артыстаў беларускай эстрады. Запланаваны сустрэчы і інтэрв'ю з вядомымі медыйнымі асобамі з розных краін. Трансляцыя будзе весціся на YouTube-каналах цэнтра "Спамаш" і тэлеканала "Мір" са студыі гуказапісу прадзюсарскага цэнтра.

Усе сабраныя на дабрачынны рахунак сродкі пойдуць 10-й гарадской клінічнай бальніцы Мінска. На гэтыя грошы будуць закуплены неабходныя сродкі індывідуальнай аховы для ўрачоў і пацыентаў, прэпараты і абсталяванне, неабходныя для барацьбы з каранавіруснай інфекцыяй.

Упершыню ў час марафону будзе аб'яўлена аб анлайн-зборы даных тых, хто хацеў бы стаць донарам ізаімуннай плазмы для лячэння хворых на COVID-19.

Раней "Спамаш" правёў ужо два марафоны для дапамогі па зборы сродкаў дзвюм медыцынскім установам: 3-й гарадской клінічнай бальніцы Мінска імя Клумава і Віцебскай абласной бальніцы. На дабрачынныя рахункі ўстаноў паступілі грошы, была арганізавана спонсарская дапамога ад юрыдычных асоб і неабыякавых беларусаў. Прамыя трансляцыі двух марафонаў у інтэрнэце паглядзелі больш за 260 тыс. гледачоў.

версія для друку

зрабіць стартавай

дабавіць у выбранае