Падзеі, факты, анонсы

Рэпліка Крыжа прападобнай Ефрасінні Полацкай перададзена БДУ

Фота з архiва

7 чэрвеня, Мінск /Кар. БЕЛТА/. Рэпліка Крыжа прападобнай Ефрасінні Полацкай перададзена БДУ. Урачыстая цырымонія адбылася 6 чэрвеня ў дзень святкавання перанясення мошчаў святой у Спаса-Ефрасіннеўскі манастыр у Полацку. Аб гэтым БЕЛТА паведамілі ў прэс-службе ВНУ.

З імем манашкі звязана адкрыццё ў Беларусі першых адукацыйных устаноў і бібліятэк, а яе жыццё з'яўляецца ўзорам набожнасці і хрысціянскай духоўна-маральнай сілы.

Вырабіў рэпліку рэліквіі сталічны рамеснік па копіі ювеліра Алега Ермалінскага. Крыж разам з іконай прападобнай Ефрасінні Палацкай, якую да 100-годдзя БДУ падарыў мітрапаліт Мінскі і Заслаўскі Веніямін, будзе спрыяць студэнтам і выкладчыкам універсітэта.

Прарэктар па выхаваўчай рабоце і сацыяльных пытаннях БДУ Іван Янушэвіч акцэнтаваў увагу на важнасці для чалавецтва такіх людзей, як Ефрасіння Полацкая. "Па сутнасці, яна арганізавала цэлы ўніверсітэт. У манашак была адукацыйная навуковая і выхаваўчая дзейнасць, што дало магчымасць сфарміраваць ужо ў той час фундаментальныя светапоглядныя асновы грамадства. І многія падыходы Ефрасінні сёння з'яўляюцца арыенцірам у рабоце з моладдзю. Паколькі духоўна-маральны складнік асобы непарыўны з яе лідарскімі і іншымі якасцямі", - рэзюмаваў прарэктар.

Сродкі на набыццё крыжа былі атрыманы ад Дабрачыннага фонду падтрымкі сям'і, мацярынства і дзяцінства "Пакроў". Яго дырэктар Наталля Ярашэвіч адзначыла, што перадача рэліквіі з'яўляецца сімвалічным актам добрых спраў, які падахвоціць людзей да ўзорных учынкаў.

Пасля ўрачыстай часткі адбыўся паказ спектакля аб жыцці вядомай заступніцы Беларусі "Пад покрывам заступніцы святой". Яго прадставілі ўдзельнікі самадзейнага студэнцкага тэатральнага калектыву "Лілея" клуба аматараў мастацкага слова "КЛУмБА".

версія для друку

зрабіць стартавай

дабавіць у выбранае