Падзеі, факты, анонсы
Прадстаўнік Беларусі ўзначаліла рабочую групу ААН па скаргах аб парушэнні правоў жанчын
26 лютага, Мінск /Кар. БЕЛТА/. Прадстаўнік Беларусі Ірына Вялічка аднагалосна выбрана на пасаду старшыні рабочай групы па паведамленнях Камісіі ААН па становішчы жанчын, паведамілі БЕЛТА ў прэс-службе беларускага МЗС.
Выбранне адбылося напярэдадні 60-й сесіі камісіі, якая адбудзецца ў штаб-кватэры ААН з 14 па 24 сакавіка. "Рабочая група разглядае атрыманыя ад асоб або арганізацый скаргі аб парушэнні дзяржавамі правоў жанчын, на аснове якіх рыхтуе даклад камісіі аб тэндэнцыях і характэрных праявах дыскрымінацыі ў адносінах да жанчын. У склад групы акрамя Беларусі ўваходзяць Бельгія, Кітай, Ліберыя і Уругвай", - расказалі ў прэс-службе МЗС.
Падрыхтаваны даклад група прадставіць на адным з пасяджэнняў камісіі для далейшай яго перадачы ў Эканамічны і Сацыяльны Савет ААН.
версія для друку
зрабіць стартавай
дабавіць у выбранае