Падзеі, факты, анонсы

Першы кампанент вакцыны ад каранавіруса атрымалі 92 тыс. беларусаў

9 красавіка, Мінск /Кар. БЕЛТА/. Першы кампанент вакцыны ад каранавіруса атрымалі 92 тыс. беларусаў. Такія лічбы прывёў міністр аховы здароўя Дзмітрый Піневіч у праграме "Маркаў. Нічога асабістага" на тэлеканале АНТ, паведамляе БЕЛТА.

Паводле інфармацыі на 26 сакавіка, першы кампанент вакцыны атрымалі амаль 40 тыс. жыхароў Беларусі, а поўнасцю прышчапіліся больш за 26 тыс. чалавек. На сёння, расказаў міністр, першы кампанент прэпарату ўведзены ўжо 92 тыс. беларусам.

Пры гэтым, адзначыў Дзмітрый Піневіч, 15-16 красавіка ў Беларусі плануюць выпусціць прамысловы варыянт расійскай вакцыны, разліў якой пачаўся ў канцы сакавіка. Да кастрычніка будзе наладжаны поўны цыкл вытворчасці ўжо другога расійскага прэпарату. Акрамя таго, у Беларусі распрацоўваюць уласную вакцыну.

версія для друку

зрабіць стартавай

дабавіць у выбранае