Падзеі, факты, анонсы

Пасол Беларусі ўручыў народнай артыстцы СССР Аляксандры Пахмутавай ордэн Дружбы народаў

Фота АНТ

12 лістапада, Масква /Эдуард Півавар - БЕЛТА/. Пасол Беларусі ў Расіі Аляксандр Рагожнік уручыў ордэн Дружбы народаў кампазітару, народнай артыстцы СССР Аляксандры Пахмутавай. Аб гэтым БЕЛТА паведамілі ў прэс-службе дыппрадстаўніцтва.

Аляксандра Пахмутава ўдастоена гэтай узнагароды ўказам Прэзідэнта Беларусі Аляксандра Лукашэнкі за значны ўклад у развіццё музычнага мастацтва, умацаванне міру, беларуска-расійскіх адносін і культурных сувязей, плённую творчую дзейнасць, якая садзейнічае збліжэнню і ўзаемаўзбагачэнню нацыянальных культур.

Пасол перадаў Аляксандры Пахмутавай запрашэнне ад кіраўніка дзяржавы наведаць Беларусь - на "Славянскі базар у Віцебску" або ў любы зручны час.

версія для друку

зрабіць стартавай

дабавіць у выбранае