Падзеі, факты, анонсы

8 кастрычніка, Мінск /Кар. БЕЛТА/. Нашумелы фільм "Мацільда" рэжысёра Аляксея Учыцеля ў кінапракат Беларусі выйдзе 26 кастрычніка, паведамілі БЕЛТА арганізатары паказу.

Прадставяць беларускаму гледачу стужку на перадпрэм'ерным паказе 18 кастрычніка ў Мінску выканаўца ролі імператара народны артыст Расіі Сяргей Гармаш і прадзюсар фільма Аляксей Разанцаў.

Яшчэ да прэм'еры фільма ўзнікла незадавальненне з боку пэўнай часткі грамадства з-за таго, што фільм аб адносінах нашчадка расійскага прастола Мікалая II і балерыны Мацільды Кшасінскай апаганьвае памяць імператара і сям'і.

У верасні камісія Міністэрства культуры Беларусі прызнала фільм этычным і дапусціла яго да пракату з рэйтынгам "16+".

У галоўных ролях Даніла Казлоўскі, Яўген Міронаў, Рыгор Дабрыгін, Інгеборга Дапкунайтэ, Ларс Ейдзінгер, Томас Астэрмаер, Луіза Вальфрам, Сара Штэйн, Галіна Цюніна.