Падзеі, факты, анонсы

Кубарава пераможна стартавала на турніры ITF у Егіпце

Фота Unsplash

11 снежня, Мінск /Кар. БЕЛТА/. Беларуская тэнісістка Ганна Кубарава выйшла ў 1/8 фіналу турніру ITF у егіпецкім Шарм-эль-Шэйху з прызавым фондам $25 тыс., паведамляе карэспандэнт БЕЛТА.

Сёння ў паядынку першага раўнда беларуска, якая займае 771-е месца ў сусветным рэйтынгу, крыху больш як за гадзіну перамагла ў дзвюх партыях славенскую тэнісістку Элу Міліч, у якой 711-я пазіцыя, - 6:2, 6:1. У матчы за выхад у чвэрцьфінал саперніцай Кубаравай будзе полька Марціна Кубка (428-ы нумар сусветнага рэйтынгу).

У 1/16 фіналу мужчынскага турніру ў катарскай Досе беларускі тэнісіст Аляксандр Леаненка (827) сустрэнецца з французам Артурам Банно (1007). Заўтра ў чвэрцьфінале парнага разраду Леаненка разам з яшчэ адным беларусам Аляксандрам Згіроўскім згуляюць з мараканцам Эліятам Баншэтры і Алдзінам Шэткічам з Босніі і Герцагавіны.

Спаборніцтвы ў Егіпце і Катары завершацца 15 снежня.

версія для друку

зрабіць стартавай

дабавіць у выбранае