Падзеі, факты, анонсы
Каманда "МАЗ-СПОРТаўта" нацэлена на высокія месцы "Дакара-2016"
22 снежня, Мінск /Кар. БЕЛТА/. Каманда "МАЗ-СПОРТаўта" нацэлена на высокія месцы па выніках ралі-рэйду "Дакар-2016", паведаміў на прэс-канферэнцыі начальнік каманды, штурман аднаго з экіпажаў Валерый Казлоўскі, перадае карэспандэнт БЕЛТА.
Як адзначыў Валерый Казлоўскі, "МАЗ-СПОРТаўта" змог сабраць тры экіпажы, што могуць паказаць высокія рэзультаты ў гонцы, нягледзячы на ўсе складанасці, з якімі давялося сутыкнуцца пры падрыхтоўцы да пятага ў гісторыі каманды ралі-рэйду "Дакар". За гэта асаблівую ўдзячнасць начальнік каманды выказаў кіраўніцтву Мінскага аўтамабільнага завода і партнёрам каманды.
"Аўтамабілі, на якіх нашы экіпажы стартуюць у гонцы, ужо адпраўлены ў Аргенціну. Тэхніка падрыхтавана, улічваючы вопыт удзелу мінулых гадоў у ралі-рэйдзе. Мы зрабілі ўсё, што ад нас залежыць, каб дастойна выступіць на "Дакары-2016". Наша каманда нацэлена на высокія месцы", - падкрэсліў Валерый Казлоўскі. Пілоты экіпажаў - Аляксандр Васілеўскі, Уладзімір Васілеўскі і Сяргей Вязовіч.
Адна з самых прэстыжных гонак свету пройдзе з 3 па 16 студзеня па дарогах Аргенціны і Балівіі. Працягласць трасы складзе амаль 9 тыс. км. Удзельнікі стартуюць у Буэнас-Айрэсе і фінішуюць у аргенцінскім Расарыа.
версія для друку
зрабіць стартавай
дабавіць у выбранае