Падзеі, факты, анонсы

Каладынска і Галяк сталі паўфіналістамі тэнісных турніраў у Кітаі і Турцыі

Яна Каладынска. Фота з архiва

25 кастрычніка, Мінск /Кар. БЕЛТА/. Беларускія тэнісісты сталі паўфіналістамі турніраў ITF у Кітаі і Турцыі, паведамляе карэспандэнт БЕЛТА.

У чвэрцьфінале мужчынскіх спаборніцтваў у кітайскім Хучжоу з прызавым фондам $25 тыс. беларус Мікалай Галяк (658-ы нумар сусветнага рэйтынгу) за дзве гадзіны перамог у трохсэтавым паядынку кітайскага тэнісіста Цзе Цуя (358) - 4:6, 6:1, 6:1. У матчы за выхад у фінал Галяк сустрэнецца з яшчэ адным кітайцам Янь Баем (268).

У напружаным трохгадзінным беларускім чвэрцьфінале жаночага турніру ў турэцкім Кайсеры Яна Каладынска (695-ы нумар рэйтынгу WTA) перамагла Алену Фалей (200) - 5:7, 6:3, 7:6 (7:3). У барацьбе за пераход у фінал саперніцай беларускі будзе турэцкая тэнісістка Чала Бюйюкакчай (465).

Турніры ў Кітаі і Турцыі завершацца 27 кастрычніка.

версія для друку

зрабіць стартавай

дабавіць у выбранае