Падзеі, факты, анонсы

Як выглядае тэхналагічная, прагрэсіўная Беларусь? Лукашэнку падарылі карціну, створаную нейрасеткай

27 верасня, Мінск /Кар. БЕЛТА/. Прэзідэнту Беларусі Аляксандру Лукашэнку па выніках сустрэчы са студэнтамі ВНУ інжынерна-тэхнічнага профілю ў фармаце "Адкрыты мікрафон" у БДУІР падарылі карціну, намаляваную нейрасеткай, перадае карэспандэнт БЕЛТА.

Як растлумачыў сам аўтар ідэі, першапачаткова перад штучным інтэлектам ставілася задача паказаць Беларусь інтэлектуальнай, тэхналагічнай, прагрэсіўнай, аграрнай, а таксама прадставіць яе нацыянальныя сімвалы і абазначыць яе месца ў свеце. У працэсе дапрацоўкі ў рысунак былі дабаўлены яшчэ ноўтбук і трактар айчыннай вытворчасці, была павялічана планета, каб больш выразна праглядаўся контур Беларусі. На заднім фоне відаць пераход ад цёмнага да светлага колеру, што можна інтэрпрэтаваць або як росквіт краіны, або як светлыя беларускія палі. Карціна была поўнасцю згенерыравана нейрасеткай.

"Вельмі каштоўная штука. Прытым такім метадам атрыманая", - пракаменціраваў падарунак Прэзідэнт.

На заканчэнне сустрэчы кіраўнік дзяржавы падзякаваў яе ўдзельнікам і арганізатарам за размову і даў моладзі каштоўную параду на будучае: "Вельмі прашу вас - думайце і не спяшайцеся".

версія для друку

зрабіць стартавай

дабавіць у выбранае