Падзеі, факты, анонсы

Гросмайстар Лазавік заняў пятае месца ў фінале шахматнага Тура чэмпіёнаў

Фота з архiва

20 снежня, Мінск /Кар. БЕЛТА/. Беларускі гросмайстар Дзяніс Лазавік завяршыў выступленні ў фінале міжнароднага турніру па хуткіх шахматах Champions Chess Tour 2024, што праходзіць у Осла, паведамляе карэспандэнт БЕЛТА.

Да фінальнага раўнда дабраліся восем лепшых шахматыстаў па выніках чатырох анлайн-этапаў Тура чэмпіёнаў 2024 года. Па выніках кругавога турніру ў Осла Лазавік выйшаў у плэй-оф з чацвёртага месца, выйграўшы тры матчы, пацярпеўшы тры паражэнні і аднойчы згуляўшы ўнічыю. Выступленні ў накаўт-раўндзе Дзяніс пачаў з перамогі над французам Максімам Ваш'е-Лагравам, а ў матчы за прамы выхад у паўфінал уступіў расіяніну Яну Няпомняшчаму. Апошнюю пуцёўку ў наступную стадыю беларус зноў аспрэчваў з Ваш'е-Лагравам, але на гэты раз уступіў і застаўся пятым.

У мінулым годзе Дзяніс Лазавік таксама быў удзельнікам фінальнага этапу Champions Chess Tour, дзе заняў восьмае месца. Паўфіналы Тура чэмпіёнаў па шахматах 2024 года пройдуць сёння, галоўны прыз будзе разыграны ў суботу. Раней да вырашальных матчаў дабраліся нарвежац Магнус Карлсен і Алірэза Фіруджа з Францыі.

версія для друку

зрабіць стартавай

дабавіць у выбранае