Падзеі, факты, анонсы

Галоўная ёлка краіны сёння заззяе агнямі

10 снежня, Мінск /Кар. БЕЛТА/. Галоўная ёлка краіны, якая размяшчаецца на Кастрычніцкай плошчы ў Мінску, заззяе яркімі агнямі 10 снежня, паведамляе БЕЛТА.

Запальванне галоўнай ёлкі краіны ў 17.00 дасць старт рабоце ўсёй светлавой ілюмінацыі ў Мінску.

У мінулым годзе мерапрыемства выклікала вялікі інтарэс у мінчан і гасцей горада, таму было вырашана зрабіць яго традыцыйным. Галоўная ёлка, устаноўленая на Кастрычніцкай плошчы, стане сімвалам надыходзячых свят.

Як расказалі раней у Мінгарвыканкаме, запальванне галоўнай ёлкі - гэта не толькі пачатак навагодняга сезона, але і момант, калі горад мяняецца: агні, гірлянды і ўпрыгажэнні ствараюць атмасферу чараўніцтва. Мінчане і госці сталіцы запрошаны далучыцца да свята.

версія для друку

зрабіць стартавай

дабавіць у выбранае