Падзеі, факты, анонсы
Два экіпажы "МАЗ-СПОРТаўта" ўвайшлі ў дзясятку мацнейшых на этапе "Шаўковага шляху"
19 ліпеня, Мінск /Кар. БЕЛТА/.
Два экіпажы "МАЗ-СПОРТаўта" ўвайшлі ў дзясятку мацнейшых па выніках 11-га этапу ралі-рэйду "Шаўковы шлях", паведамляе карэспандэнт БЕЛТА.Лідар мазаўскай каманды Сяргей Вязовіч заняў шостае месца, уступіўшы пераможцу чэху
Марціну Коламы 4 мін 25 сек. У дзясятцы мацнейшых таксама Аляксей Вішнеўскі, які фінішаваў дзявятым з адставаннем 7 мін 08 сек. Экіпаж Аляксандра Васілеўскага заняў 11-е месца, завяршыўшы этап праз 19 мін 38 сек пасля лідара.У агульным заліку лідзіруе расіянін Дзмітрый Сотнікаў з каманды "КАМАЗ-майстар". Лепшым з беларусаў у генеральнай кваліфікацыі з'яўляецца Сяргей Вязовіч, які размясціўся на сёмым месцы. Аляксей Вішнеўскі знаходзіцца на восьмай пазіцыі, Аляксандр Васілеўскі - дзясяты.
На 12-м этапе гонкі ўдзельнікам трэба будзе праехаць 484 км, ён будзе ўключаць як скорасны ўчастак даўжынёй 255 км, так і пясчаныя дзюны, пераадоленне якіх патрабуе ад пілотаў сур'ёзных навыкаў.
Ралі-рэйд "Шаўковы шлях - 2017" праходзіць па тэрыторыях Расіі, Казахстана і Кітая. Завершыцца гонка 22 ліпеня ў кітайскім горадзе Сіянь. Працягласць дыстанцыі складае 9599 км, з якіх 4094 км прыпадае на спецучасткі. Еўразійскі марафон па ўзроўні складанасці не ўступае сусветна вядомаму "Дакару".
версія для друку
зрабіць стартавай
дабавіць у выбранае