Падзеі, факты, анонсы

ДПК: грамадзян Беларусі прапускаюць праз дзяржаўную граніцу на ўезд у краіну

30 кастрычніка, Мінск /Кар. БЕЛТА/. Грамадзян Беларусі прапускаюць праз дзяржаўную граніцу на ўезд у краіну. Аб гэтым карэспандэнту БЕЛТА паведаміў афіцыйны прадстаўнік Дзяржаўнага пагранічнага камітэта Антон Бычкоўскі.

"Грамадзян Беларусі прапускаюць праз дзяржаўную граніцу на ўезд у краіну. Па астатніх катэгорыях грамадзян прымаюцца прыватныя рашэнні ў кожным канкрэтным выпадку. Так цяпер выглядае сітуацыя на граніцы", - сказаў Антон Бычкоўскі.

Як паведамлялася, з 29 кастрычніка ў сувязі з эпідсітуацыяй у сумежных краінах Беларусь часова абмяжоўвае ўезд на сваю тэрыторыю праз наземныя пункты пропуску асобных катэгорый фізічных асоб з Латвіі, Літвы, Польшчы і Украіны.

Пад абмежаванні не падпадаюць супрацоўнікі дыпламатычных прадстаўніцтваў і консульскіх устаноў, дакументаваных дыпламатычнымі і службовымі пашпартамі; вадзіцелі транспартных сродкаў, прызначаных для выканання міжнародных аўтамабільных перавозак; члены паязных і лакаматыўных брыгад міжнародных чыгуначных зносін.

Разам з тым пункт пропуску ў Нацыянальным аэрапорце Мінск функцыянуе без вышэйназваных абмежаванняў.-0-

версія для друку

зрабіць стартавай

дабавіць у выбранае