Падзеі, факты, анонсы

Больш за 2,8 млн беларусаў прайшлі поўны курс вакцынацыі супраць COVID-19

Фота з архiва

29 лістапада, Мінск /Кар. БЕЛТА/. У Беларусі больш за 3 млн 548 тыс. чалавек атрымалі першую дозу вакцыны супраць COVID-19, з іх больш за 2 млн 805 тыс. прайшлі поўны курс вакцынацыі, паведамляе БЕЛТА.

Як адзначаецца на сайце Рэспубліканскага цэнтра гігіены, эпідэміялогіі і грамадскага здароўя, на 26 лістапада бустарная вакцынацыя праведзена больш як 77,5 тыс. чалавек.

Поўны курс вакцынацыі прайшлі больш за 90 працэнтаў работнікаў сістэмы аховы здароўя, больш за 69 працэнтаў работнікаў устаноў адукацыі, больш за 80,3 працэнта работнікаў устаноў з кругласутачным знаходжаннем грамадзян і сацыяльных работнікаў, а таксама 95,5 працэнта людзей старэйшых за 18 гадоў, якія пражываюць ва ўстановах з кругласутачным рэжымам знаходжання.

Завяршылі вакцынацыю амаль 54 працэнты людзей старэйшых за 60 гадоў і людзей з хранічнымі захворваннямі, больш за 40 працэнтаў работнікаў гандлю і грамадскага харчавання, транспартных арганізацый, службы ЖКГ (уключаючы энерга- і водазабеспячэння), больш за 50 працэнтаў - сферы бытавога абслугоўвання, устаноў культуры і спорту. Вакцынацыя насельніцтва прадаўжаецца.

Атрымаць адказы на найбольш частыя пытанні па вакцынацыі супраць COVID-19 можна ў рэкамендацыях, размешчаных на інтэрнэт-сайце Міністэрства аховы здароўя Беларусі.

версія для друку

зрабіць стартавай

дабавіць у выбранае