Падзеі, факты, анонсы

Беларускія стралкі паспяхова стартавалі на ЧЕ ў Харватыі

24 мая, Мінск /Кар. БЕЛТА/. Беларускія спартсмены паспяхова стартавалі на чэмпіянаце Еўропы па кулявой стральбе ў Харватыі, паведамілі БЕЛТА ў прэс-службе НАК Беларусі.

На старце турніру, які прадоўжыцца да 6 чэрвеня, беларусы заваявалі два залатыя, тры сярэбраныя і бронзавыя медалі.

У камандных спаборніцтвах у стральбе з пнеўматычнага пісталета сярод юніёраў Іван Казак, Уладзіслаў Дземеш і Мікіта Кавалёнак занялі першае месца.

Яшчэ адзін залаты медаль у скарбонку нашай каманды прынёс юніёрскі дуэт Аляксандры Пятровай і Уладзіслава Дземеша ў стральбе з пнеўматычнага пісталета. Другое месца занялі сапернікі з Італіі, а трэцімі сталі беларусы Васіліса Навумава і Іван Казак.

Васіліса Навумава і Іван Казак таксама сталі ўладальнікамі серабра ў стральбе з пнеўматычнага пісталета на 10 м у індывідуальным турніры.

версія для друку

зрабіць стартавай

дабавіць у выбранае