Падзеі, факты, анонсы

Беларускія маладыя дызайнеры прадставілі льняныя калекцыі ў расійскім Плёсе

Фота Нацыянальнага цэнтра мастацкай творчасці дзяцей і моладзі

18 ліпеня, Мінск /Кар. БЕЛТА/. Міжнародны фестываль моды "Плёс на Волзе. Ільняная палітра" адбыўся 13-16 ліпеня ў горадзе Плёс Іванаўскай вобласці (Расія). Аб гэтым БЕЛТА паведамілі ў Нацыянальным цэнтры мастацкай творчасці дзяцей і моладзі.

Пул дызайнераў "Млына моды" - Надзея Слабадзянюк, Вікторыя Нікалаеня, Мікіта Захарчук, Кірыл Урбан - па запрашэнні канцэрна "Беллегпрам" і "БелБрэндАўдыту" прадставілі свае льняныя калекцыі на подыуме.

Студэнты факультэта дызайну Віцебскага дзяржаўнага тэхналагічнага ўніверсітэта сталі ўладальнікамі прэстыжнай узнагароды "Сярэбраны фенікс". Гэта Кірыл Урбан і яго калекцыя "19:30 Перараджэнне SS’23", Мікіта Захарчук, які прадставіў на фестывалі калекцыю, а таксама Вікторыя Нікалаеня з калекцыяй з беларускага лёну.

Надзея Слабадзянюк з Петрыкаўскага раённага цэнтра творчасці дзяцей і моладзі пераздавала сваю жаночую калекцыю "Абярэгі душы", якая стала трэцяй на "Млыне моды - 2023" і атрымала спецыяльны прыз - удзел у фестывалі моды ў Плёсе.

У рамках моднага форуму адбыліся прэзентацыі, круглыя сталы, дыскусіі. Фестываль быў прысвечаны памяці Вячаслава Зайцава, нязменнага кіраўніка фестывалю.

версія для друку

зрабіць стартавай

дабавіць у выбранае