Падзеі, факты, анонсы
Беларускія і шанхайскія ВНУ дамовіліся пашыраць узаемадзеянне
Фота генеральнага консульства Беларусі ў Шанхаі
5 лістапада, Мінск /Аліна Грышкевіч - БЕЛТА/. Беларуская дэлегацыя на чале з першым намеснікам міністра адукацыі Ірынай Старавойтавай 5 лістапада сустрэлася з рэктарам Усходне-Кітайскага педагагічнага ўніверсітэта Цянь Сюйхунам. Аб гэтым карэспандэнту БЕЛТА паведаміў генеральны консул Беларусі ў Шанхаі Валерый Мацэль.
У сустрэчы прынялі ўдзел намеснік міністра замежных спраў Беларусі Андрэй Дапкюнас, намеснік старшыні Прэзідыума НАН Беларусі Аляксандр Сукала. Бакі абмеркавалі пытанні актывізацыі супрацоўніцтва шанхайскага ўніверсітэта з вядучымі беларускімі ВНУ-партнёрамі, развіццё Цэнтра вывучэння Беларусі пры УКПУ, вызначылі новыя напрамкі ўзаемадзеяння. Была таксама падпісана праграма супрацоўніцтва беларускіх ВНУ і Усходне-Кітайскага педагагічнага ўніверсітэта па развіцці Цэнтра вывучэння Беларусі.
Сустрэча адбылася ў рамках удзелу афіцыйнай дэлегацыі нашай краіны ў Першай кітайскай міжнароднай выстаўцы імпартных тавараў і паслуг China International Import Expo. Беларуская дэлегацыя наведала Шанхайскі фізіка-тэхнічны інстытут і абмеркавала з кіраўніцтвам ВНУ і Шанхайскага аддзялення Акадэміі навук Кітая пытанні ўстанаўлення і пашырэння двухбаковага супрацоўніцтва ў навукова-тэхнічнай сферы.
версія для друку
зрабіць стартавай
дабавіць у выбранае