Падзеі, факты, анонсы

Беларуская тэнісістка Аляксандра Сасновіч выйшла ў 1/4 фіналу турніру ў Гамбургу

Фота з архiва

20 ліпеня, Мінск /Кар. БЕЛТА/. Беларуская тэнісістка Аляксандра Сасновіч (35-ы нумар сусветнага рэйтынгу) атрымала другую перамогу на турніры катэгорыі WTA-250 у нямецкім Гамбургу з прызавым фондам $251 тыс., паведамляе карэспандэнт БЕЛТА.

У сённяшнім матчы 1/8 фіналу адзіночнага разраду беларуска выйграла ў сербскай тэнісісткі Аляксандры Круніч (75) - 6:3, 6:2. Паядынак прадаўжаўся 1 гадзіну 15 мінут. У чвэрцьфінале саперніцай Аляксандры Сасновіч будзе пераможца сустрэчы паміж прадстаўніцай Бельгіі Марынай Занеўскай (72) і румынскай тэнісісткай Аляксандрай Ігнацік (172).

На старце спаборніцтваў Аляксандра Сасновіч упэўнена абыграла ў дзвюх партыях прадстаўніцу Германіі Настассю-Марыяну Шунк (146) - 6:1, 6:4.

Турнір у Гамбургу завершыцца 23 ліпеня.

версія для друку

зрабіць стартавай

дабавіць у выбранае