Падзеі, факты, анонсы

Беларуска Дзіяна Майсяевіч заваявала золата Гран-пры па цяжкай атлетыцы ў Гаване

Фота з архiва

14 чэрвеня, Мінск /Кар. БЕЛТА/. Беларусы заваявалі першае золата на турніры Гран-пры па цяжкай атлетыцы ў Гаване, які з'яўляецца адным з кваліфікацыйных турніраў да Алімпіяды-2024, паведамляе карэспандэнт БЕЛТА.

Беларуска Дзіяна Майсяевіч, якая выступала ў вагавой катэгорыі да 64 кг, набрала ў суме дваябор'я 210 кг. У рыўку яна была другой з рэзультатам 94 кг, а ў штуршку заняла першае месца - 116 кг.

Раней у вагавой катэгорыі да 59 кг беларуска Аліна Шчапанава заваявала бронзавы медаль, набраўшы ў суме дваябор'я 215 кг (95+120). У мужчын беларус Андрэй Фралоў таксама ўзяў бронзавы медаль у вагавой катэгорыі да 73 кг - 322 кг (141+181). Чэмпіён Еўропы Генадзь Лапцеў стаў сярэбраным прызёрам у штуршку ў вагавой катэгорыі 61 кг, падняўшы штангу вагой 130 кг, а ў суме дваябор'я ў яго 5-ы рэзультат. У кубінскай сталіцы выступаюць 13 беларускіх спартсменаў - 8 мужчын і 5 жанчын, яны спаборнічаюць у нейтральным статусе.

Усяго ў Гран-пры прымаюць удзел больш як 400 цяжкаатлетаў з 72 краін. Турнір завершыцца 18 чэрвеня.

версія для друку

зрабіць стартавай

дабавіць у выбранае