Падзеі, факты, анонсы

18 ліпеня, Мінск /Кар. БЕЛТА/. Беларускі Кацярына Арол і Таццяна Халдоба занялі трэцяе месца на чэмпіянаце Еўропы па сучасным пяцібор'і, які стартаваў у Мінску, перадае карэспандэнт БЕЛТА.

У першы дзень кантынентальнага форуму прайшлі эстафеты ў жанчын. Пасля трох відаў праграмы (плаванне, фехтаванне і верхавая язда) беларускі набралі 806 ачкоў, уступаючы лідарам з Расіі Алісе Фахрутдзінавай і Ганне Бурак 23 ачкі. Расіянкі першымі пайшлі на дыстанцыю камбінаванага віду (бег і стральба), але не змаглі захаваць лідарства, уступіўшы камандзе Германіі. Пераможцы зарабілі 1389 ачкоў, расіянкі - 1387 балаў.

Беларускам давялося вытрымаць жорсткую канкурэнцыю з боку саперніц з Венгрыі. Гаспадары турніру перасеклі фінішную стужку трэцімі і зарабілі па выніках дня 1339 ачкоў.

На другі дзень чэмпіянату Еўропы па сучасным пяцібор'і, 19 ліпеня, пройдуць эстафеты ў мужчын. На чэмпіянаце Еўропы будуць разыграны медалі ў індывідуальных выступленнях у жанчын (22 ліпеня) і мужчын (23 ліпеня). Завершыцца кантынентальны форум сучаснага пяцібор'я на спартаб'ектах Мінска і РЦАП "Ратамка" 24 ліпеня змешанай эстафетай.