Падзеі, факты, анонсы

Беларускі тэнісіст Аляксандр Згіроўскі выйшаў у 1/4 фіналу турніру ў Астане

Аляксандр Згіроўскі. Фота з архіва

27 ліпеня, Мінск /Кар. БЕЛТА/. Беларускі тэнісіст Аляксандр Згіроўскі (657-ы нумар сусветнага рэйтынгу) прабіўся ў чвэрцьфінал адзіночнага разраду турніру серыі Challenger Tour у Астане з прызавым фондам $40 тыс., паведамляе карэспандэнт БЕЛТА.

Сёння ў 1/8 фіналу беларус за паўтары гадзіны абыграў аўстрыйца Нейла Аберляйтнера (543) - 7:6 (7:3), 6:2. У паядынку за выхад у паўфінал сапернікам Згіроўскага будзе прадстаўнік Казахстана Дзяніс Яўсееў (412). У першым раўндзе Аляксандр Згіроўскі перайграў грузіна Сабу Пурцэладзэ (436) - 3:6, 7:5, 7:5.

У чвэрцьфінале парнага разраду беларуска-казахстанскі тандэм Ягор Герасімаў / Дзяніс Яўсееў сустрэнецца з аўстрыйска-японскім дуэтам Нейл Аберляйтнер / Сейта Ватанабэ. У 1/16 фіналу адзіночнага разраду Герасімаў (897) перамог шведскага тэнісіста Леа Борга (391) - 7:5, 6:4, а потым уступіў расіяніну Яўгену Філіпаву (649) - 5:7, 5:7.  

На жаночым турніры WTA-250 у Варшаве з прызавым фондам $259 тыс. беларуска Юлія Гатоўка (240) у матчы 1/8 фіналу ўступіла брытанцы Хізэр Уотсан (146) - 2:6, 7:5, 1:6.  У чвэрцьфінале Уотсан сустрэнецца з бельгійкай Янінай Вікмаер (109). У стартавым паядынку Гатоўка выйграла ў францужанкі Джэсікі Паншэ (140) - 6:4, 3:6, 7:5.

Спаборніцтвы ў сталіцах Казахстана і Польшчы завершацца 30 ліпеня.

версія для друку

зрабіць стартавай

дабавіць у выбранае