Падзеі, факты, анонсы
Беларускі Ганна Шульгіна і Дамініка Цыплакова адкрылі спаборніцкую праграму Еўрапейскіх гульняў у Баку
12 чэрвеня, Баку /Кар. БЕЛТА/. Беларускія прадстаўніцы сінхроннага плавання Ганна Шульгіна і Дамініка Цыплакова ўвайшлі ў гісторыю першых Еўрапейскіх гульняў у Баку, адкрыўшы ўсю спаборніцкую праграму гульняў, перадае карэспандэнт БЕЛТА.
Ганна Шульгіна і Дамініка Цыплакова прынялі ўдзел у кваліфікацыі дуэтаў. "Для нас вельмі хвалююча стартаваць першымі на любых спаборніцтвах, тым больш такога маштабу, як Еўрапейскія гульні. Выступленнем сваім задаволены, усё выканалі сінхронна, нядрэнна па тэхніцы, спадзяёмся, зможам прайсці ў фінальную частку спаборніцтваў дуэтаў", - расказала пасля завяршэння выступлення ў кваліфікацыі Дамініка Цыплакова.
"Гэты дзень запомніцца назаўсёды. Мы выступілі самыя першыя сярод усіх удзельнікаў гульняў. Спачатку не звярнулі на гэта ўвагі, але вельмі прыемна, што трапілі ў гісторыю спаборніцтваў", - адзначыла Ганна Шульгіна.
Беларускіх спартсменак у ходзе выступлення падтрымлівалі бацькі дзяўчат, якія прыбылі ў сталіцу Азербайджана пабалець за каманду па сінхронным плаванні.
Кваліфікацыйны турнір па сінхронным плаванні дуэтаў выйгралі прадстаўніцы Расіі Валерыя Філянкова і Дар'я Кулагіна -
89,2333 бала. Беларускі набралі 77,3667 бала і занялі 8-е месца, прабіўшыся ў фінал. Медалі ў гэтым відзе праграмы ў сінхронным плаванні будуць разыграны 15 чэрвеня.
Вечарам 12 чэрвеня на Нацыянальным стадыёне адбудзецца цырымонія адкрыцця першых Еўрапейскіх гульняў у Баку. У склад беларускай дэлегацыі на цырымоніі адкрыцця ўвойдуць прадстаўнікі нацыянальнай зборнай па акрабатыцы, боксе, барацьбе вольнай і грэка-рымскай, гімнастыцы спартыўнай, сінхронным плаванні, настольным тэнісе, трыятлоне, каратэ.
Першыя Еўрапейскія гульні пройдуць з 12 па 28 чэрвеня. Больш як 6 000 атлетаў на працягу 17 дзён будуць спаборнічаць у 20 відах спорту, сярод якіх 16 алімпійскіх. У праграму ўключаны таксама баскетбол
версія для друку
зрабіць стартавай
дабавіць у выбранае