Падзеі, факты, анонсы
Беларускі баксёр Дзмітрый Асанаў стаў чэмпіёнам Еўропы сярод моладзі
2 красавіка, Мінск /Кар. БЕЛТА/. Беларускі баксёр Дзмітрый Асанаў стаў чэмпіёнам Еўропы сярод моладзі да 22-х гадоў у вагавой катэгорыі да 60 кг. Турнір завяршыўся ў румынскім Таргу-Жыу, паведамляе карэспандэнт БЕЛТА.
У вырашальным паядынку за залаты медаль атлет з Маладзечна атрымаў перамогу аднагалосным рашэннем суддзяў (5:0) над расійскім баксёрам Альбертам Батыргазіевым. У другім раўндзе Дзмітрый Асанаў нанёс некалькі ўдараў, якія ў многім і вырашылі рэзультат паядынку.
На шляху да фіналу беларус быў мацнейшы за прадстаўніка Турцыі Ніхата Екінчы, а ў 1/2-й перамог Атара Наверыяні з Грузіі.
У кар'еры Дзмітрыя Асанава залаты медаль маладзёжнага чэмпіянату Еўропы - адзін з самых значных. Раней ён станавіўся сярэбраным прызёрам першых Еўрапейскіх гульняў у Баку, бронзавым медалістам дарослага чэмпіянату свету 2015 года. Абедзве ўзнагароды ён заваяваў у больш лёгкай вагавой катэгорыі да 56 кг.
версія для друку
зрабіць стартавай
дабавіць у выбранае