Падзеі, факты, анонсы

Беларус Арцём Зайцаў выйграў тры медалі на спаборніцтвах па веласпорце на трэку ў Санкт-Пецярбургу

Фота з архiва

22 студзеня, Мінск /Кар. БЕЛТА/. У Санкт-Пецярбургу завяршыліся чэмпіянат, Кубак і першынство Расіі па веласіпедным спорце на трэку з удзелам беларускіх спартсменаў, паведамляе карэспандэнт БЕЛТА.

Поўны камплект узнагарод міжнародных спаборніцтваў сабраў наш Арцём Зайцаў. У суботу беларускі велагоншчык заняў трэцяе месца ў гіце на 200 метраў з месца, напярэдадні стаў пераможцам у спрынце, а сёння дапоўніў калекцыю серабром у кейрыне. Акрамя таго, беларус Аляксандр Глова быў дзявятым у двухсотметровым гіце ў мужчын, а сярод дзяўчат наша Варвара Басякова тройчы паказвала вынікі ў дзясятцы лепшых - у гіце, спрынце і кейрыне.

Таксама ў Санкт-Пецярбургу спартсмены вызначалі мацнейшых у шматдзённай гонцы па ачках. У жаночым заліку першынствавала беларуска Ганна Церах, трэці вынік па суме ўсіх этапаў паказала яе сяброўка па камандзе Караліна Бірук. У аналагічным відзе праграмы ў мужчын за крок ад п'едэстала спыніўся наш Раман Раманаў. У юніёрскай шматдзёнцы прадстаўніца Беларусі Адэліна Сакун стала ў агульным заліку шостай.

версія для друку

зрабіць стартавай

дабавіць у выбранае