Падзеі, факты, анонсы

Азаранка і Сабаленка выйшлі ў 1/8 фіналу турніру WTA-1000 у Таронта

Арына Сабаленка. Фота з архiва

9 жніўня, Мінск /Кар. БЕЛТА/. Беларускія тэнісісткі выйшлі ў 1/8 фіналу турніру катэгорыі WTA-100 у канадскім Таронта з прызавым фондам $3,2 млн, паведамляе карэспандэнт БЕЛТА.

Мінулай ноччу Вікторыя Азаранка (19-ы нумар сусветнага рэйтынгу) за тры гадзіны адолела ў трохсэтавым паядынку бельгійскую тэнісістку Грэт Мінен (74) - 3:6, 7:5, 6:1. У 1/8 фіналу беларуска сустрэнецца з амерыканкай Пейтан Стырнс (53). У першым крузе гэтых спаборніцтваў Азаранка разграміла расіянку Настассю Паўлючэнкаву (29) - 6:2, 6:2.

Яшчэ адна прадстаўніца Беларусі трэцяя ракетка планеты Арына Сабаленка сустракалася з кітайскай тэнісісткай Юэ Юань (42) і выйграла ў дзвюх партыях - 6:2, 6:2. У трэцім раўндзе саперніцай Сабаленка будзе брытанка Кэці Бултэр (33).

Пераможца турніру ў Таронта, які завершыцца 11 жніўня, атрымае 1000 рэйтынгавых ачкоў і $523,4 тыс.

версія для друку

зрабіць стартавай

дабавіць у выбранае