Падзеі, факты, анонсы

16 Ліс 2020

Арына Сабаленка ўзнялася на дзясятае месца ў рэйтынгу WTA

16 лістапада, Мінск /Кар. БЕЛТА/. Беларуская тэнісістка Арына Сабаленка пасля паспяховага выступлення на турніры ў аўстрыйскім Лінцы вярнулася ў першую дзясятку сусветнага рэйтынгу, паведамляе карэспандэнт БЕЛТА.

Перад пачаткам турніру ў Аўстрыі Арына Сабаленка знаходзілася на 11-й пазіцыі, а пасля перамогі ўзнялася на адзін радок, набраўшы 4220 ачкоў. Вікторыя Азаранка засталася на 13-й пазіцыі, маючы ў сваім актыве 3426 балаў. Аляксандра Сасновіч, якая дабралася ў Лінцы да чвэрцьфіналу, займае 90-е месца, набраўшы 833 ачкі, у Вольгі Гаварцовай 570 балаў і 133-я пазіцыя.

Першая дзясятка рэйтынгу WTA:

1. Эшлі Барці (Аўстралія) - 8717 ачкоў,

2. Сімона Халеп (Румынія) - 7255,

3. Наомі Осака (Японія) - 5780,

4. Сафія Кенін (ЗША) - 5760,

5. Эліна Світоліна (Украіна) - 5260,

6. Караліна Плішкава (Чэхія) - 5205,

7. Б'янка Андрэеску (Канада) - 4555,

8. Петра Квітава (Чэхія) - 4516,

9. Кікі Бертэнс (Нідэрланды) - 4505,

10. Арына Сабаленка (Беларусь) - 4220.

У мужчынскім рэйтынгу лепшы з беларускіх тэнісістаў Ягор Герасімаў знаходзіцца на 81-й пазіцыі, маючы 820 заліковых балаў, у Ільі Івашкі 601 ачко і 112-е месца.

Топ-10 рэйтынгу АТР:

1. Новак Джокавіч (Сербія) - 11830 ачкоў,

2. Рафаэль Надаль (Іспанія) - 9850,

3. Дамінік Цім (Аўстрыя) - 9125,

4. Данііл Мядзведзеў (Расія) - 6970,

5. Роджэр Федэрэр (Швейцарыя) - 6630,

6. Стэфанас Цыцыпас (Грэцыя) - 5925,

7. Аляксандр Звераў (Германія) - 5525,

8. Андрэй Рублёў (Расія) - 3919,

9. Дыега Шварцман (Аргенціна) - 3455,

10. Матэа Берэціні (Італія) - 3075.

версія для друку