Падзеі, факты, анонсы

Аляксандра Сасновіч выйшла ў 1/8 фіналу турніру ў Сан-Дыега

Аляксандра Сасновіч. Фота НАК Беларусі

12 верасня, Мінск /Кар. БЕЛТА/. Беларуская тэнісістка Аляксандра Сасновіч выйшла ў 1/8 фіналу турніру катэгорыі WTA-500 у амерыканскім Сан-Дыега з прызавым фондам $780 тыс., паведамляе карэспандэнт БЕЛТА.

У першым раўндзе адзіночнага разраду беларуска, якая займае 102-е месца ў сусветным рэйтынгу, перамагла ў трохсэтавым паядынку 15-ю ракетку планеты - алімпійскую чэмпіёнку Белінду Бенчыч са Швейцарыі - 6:3, 3:6, 6:2. У матчы за выхад у чвэрцьфінал Сасновіч сустрэнецца з амерыканкай Эмай Навара (61-ы нумар сусветнага рэйтынгу).

У 1/8 фіналу парнага разраду Аляксандра Сасновіч і расійская тэнісістка Кацярына Аляксандрава згуляюць з амерыканкамі Каралін Долхайд і Клэр Лью. Беларуска-амерыканскі дуэт Ірына Шымановіч / Сабрына Сантамарыя ўступіў украінска-латвійскаму тандэму Людміла Кічанок /Алена Астапенка - 7:5, 6:7 (5:7), 9:11.

Турнір у Сан-Дыега завершыцца 16 верасня.

версія для друку

зрабіць стартавай

дабавіць у выбранае