Падзеі, факты, анонсы

Адналетнікі ад A да Z. Цэнтральны батанічны сад правядзе 28-29 ліпеня экскурсіі-практыкумы

Фота з архiва

26 ліпеня, Мінск /Кар. БЕЛТА/. У Цэнтральным батанічным садзе 28-29 ліпеня ў 12.00 і 14.00 пройдуць эксклюзіўныя экскурсіі-практыкумы "Адналетнікі ад А да Z", удзельнікі якіх убачаць цвіценне калекцыі аднагадовых раслін саду, паведамляе БЕЛТА.

Калекцыя аднагадовых раслін батанічнага саду фарміравалася з 1950-х гадоў. У калекцыю прыцягваліся рэдкія для таго часу віды і сарты шматгадовых травяністых раслін: хоста, асцільба, флёкс. У наш час гэтыя расліны складаюць аснову асартыменту кветнікаў у гарадах Беларусі.

Сёння калекцыя аднагадовых раслін Цэнтральнага батанічнага саду ўключае 769 відаў, форм і сартоў і вызначаецца самай вялікай разнастайнасцю: у ёй можна ўбачыць расліны з Усходняй Азіі, Паўднёвай Карэі, Каўказа, Паўночнай Амерыкі і Афрыкі. Асаблівую каштоўнасць уяўляюць рэдкія і ахоўныя віды Еўраазіяцкага рэгіёна.

На экскурсіі ўдзельнікам раскажуць аб самых папулярных раслінах у ландшафтным дызайне, аб унікальнасці калекцыі і тэрмінах цвіцення, аб разнастайнасці дэкаратыўных якасцей і экалагічных уласцівасцях адналетнікаў, а таксама азнаёмяць з прымяненнем аднагадовых раслін у кветкавым афармленні.

Навуковы супрацоўнік і аўтар кнігі "Рэдкія аднагадовыя расліны"  Вольга Дуброва падзеліцца з удзельнікамі практыкуму сакрэтамі ландшафтнага дызайну і раскажа пра агратэхнічныя прыёмы, якія дапамогуць стварыць кветнік з рознымі тэрмінамі цвіцення.

версія для друку

зрабіць стартавай

дабавіць у выбранае