Забег Zombie Run прайшоў у Жодзіне

Забег Zombie Run прайшоў у Жодзіне 26 мая. Гэта марафон, які можа прайсці не кожны, бо на шляху з вялікай колькасцю няпростых перашкод яшчэ былі армія зомбі, кроў, пот і непраходнае балота.

Легенда забегу такая: пры даследаванні невядомага раней Z-віруса, была парушана тэхніка бяспекі, што стала прычынай уцечкі гэтага віруса і прывяло да заражэння работніка лабараторыі. Недарэчная памылка стала прычынай масавай эпідэміі! Людзі заражаюцца і становяцца хадзячымі мерцвякамі. Настаў час бегчы! Зомбі ўсюды!

Правілы простыя, бягун перад стартам атрымлівае пояс з 3 стужкамі, якія сімвалізуюць яго жыцці. У час забегу трэба пазбягаць зомбі, каб яны не сарвалі стужкі. Калі ўдзельнік фінішуе хаця б з адной стужкай, ён атрымае медаль "уцалелых", калі ж стужак не засталося – зомбі ператвораць яго ў аднаго са "сваіх".