II Еўрапейскія гульні: кулявая і стэндавая стральба

Вялікія надзеі ўскладаюць беларускія балельшчыкі на спартсменаў па кулявой стральбе: нацыянальная зборная не раз аказвалася ў ліку фаварытаў на міжнародных спаборніцтвах. На I Еўрапейскіх гульнях у Баку каманда заваявала золата і тройчы аказвалася на трэцяй прыступцы п’едэстала гонару. Спаборніцтвы за 13 камплектаў узнагарод па кулявой стральбе сярод 208 спартсменаў пройдуць 22–28 чэрвеня ў абноўленым да маштабнага спартыўнага форуму ціры імя маршала С.К. Цімашэнкі.

Спаборніцтвы па стэндавай стральбе пройдуць 22–28 чэрвеня ў адным з лепшых стралковых клубаў у Еўропе Sporting Club: за 6 камплектаў медалёў паспаборнічаюць 122 спартсмены.