II Еўрапейскія гульні ў Мінску: веласіпедны спорт – трэк

Упершыню на Еўрапейскіх гульнях вызначылі мацнейшых у спорце на трэку: з 27 па 30 чэрвеня на веладроме "Мінск-Арэны" 316 гоншчыкаў спаборнічалі за 20 камплектаў медалёў.

Чэмпіёнкай Еўрапейскіх гульняў-2019 у індывідуальнай гонцы праследавання стала Таццяна Шаракова. Паспяхова выступілі беларускія спартсмены і ў скрэтчы, заваяваўшы 2 бронзавыя медалі. У мужчынскім заездзе трэцім стаў Яўген Каралёк, у жаночым узяла бронзу веласіпедыстка Ганна Церах.