Галоўныя навіны
Прэзідэнт Беларусі лічыць важным наладжваць супрацоўніцтва з замежнымі краінамі па разведцы карысных выкапняў
30 ліпеня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка лічыць важным улічваць вопыт замежных партнёраў і наладжваць супрацоўніцтва з імі па разведцы карысных выкапняў. Аб гэтым кіраўнік дзяржавы заявіў 30 ліпеня, прымаючы з дакладам міністра прыродных рэсурсаў і аховы навакольнага асяроддзя Андрэя Каўхуту, перадае карэспандэнт БЕЛТА.
"Ёсць шмат дзяржаў, што маюць вялікія багацці сваіх нетраў, кіраўнікі якіх прапануюць нам супрацоўнічаць - Венесуэла, Зімбабвэ і іншыя лацінаамерыканскія і афрыканскія краіны, - адзначыў кіраўнік дзяржавы. - Трэба сур'ёзна разам з зацікаўленымі прапрацаваць гэтыя пытанні, у тым ліку паглядзець, на якіх умовах супрацоўнічаць і што мы ад гэтага будзем мець".
Аляксандр Лукашэнка таксама сказаў аб важнасці падрыхтоўкі да нарады, якая пройдзе ў гэтым годзе на ўзроўні Прэзідэнта па тэме перспектыў разведкі карысных выкапняў. У прыватнасці, кіраўнік дзяржавы падкрэсліў: "Гэта не прахадныя мерапрыемствы, гэта - найважнейшыя пытанні, калі хочаце, гэта пытанні будучага дабрабыту нашых людзей".
версія для друку
зрабіць стартавай
дабавіць у выбранае