Галоўныя навіны

Лукашэнка сустрэўся з міністрам інвестыцый ААЭ

19 снежня, Абу-Дабі /Кар. БЕЛТА/. Прэзідэнт Беларусі Аляксандр Лукашэнка ў ходзе рабочага візіту ў Аб'яднаныя Арабскія Эміраты сустрэўся з міністрам інвестыцый ААЭ, выканаўчым дырэктарам інвестыцыйнага фонду ADQ Махамедам Хасанам Аль-Сувейдзі, перадае карэспандэнт БЕЛТА.

Напярэдадні пасля прыбыцця з рабочым візітам у ААЭ Аляксандр Лукашэнка заявіў, што хацеў бы за некалькі дзён абмеркаваць шэраг пытанняў у адносінах дзвюх краін, сустрэцца з інвестарамі, якія працуюць у Беларусі і інвесціруюць у эканоміку краіны.

Паводле інфармацыі прэс-службы беларускага лідара, у Аляксандра Лукашэнкі ў ААЭ запланаваны шэраг сустрэч і перагавораў. У ходзе іх правядзення асноўная ўвага будзе ўдзелена прадаўжэнню і развіццю супрацоўніцтва ў гандлёва-эканамічнай, інвестыцыйнай, гуманітарнай і іншых сферах, якія ўяўляюць узаемны інтарэс.

Холдынгавая кампанія ADQ - дзяржаўная інвестыцыйна-дэвелаперская кампанія, якая базіруецца ў Абу-Дабі. Заснавана ў 2018 годзе. Па стане на 2023 год холдынг кіраваў актывамі на суму каля $196 млрд, што зрабіла яго 10-м па велічыні суверэнным фондам дабрабыту ў свеце. Мэты і задачы холдынга: падтрымліваць эканамічны рост і дыверсіфікацыю, інвесціраваць ва ўстойлівыя і інавацыйныя праекты, пашыраць глабальную прысутнасць ААЭ ў стратэгічных сектарах.

Асноўныя напрамкі інвесціравання: энергетыка і камунальныя паслугі, харчовая бяспека і сельская гаспадарка, транспарт і лагістыка, ахова здароўя і фармацэўтыка, фінансавыя паслугі, прамысловасць і здабыча карысных выкапняў.

версія для друку

зрабіць стартавай

дабавіць у выбранае