Галоўныя навіны

Лукашэнка: спагада і клопат, прастата і добразычлівасць сталі культурным здабыткам беларусаў

7 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў праваслаўных хрысціян Беларусі з Нараджэннем Хрыстовым, паведамілі БЕЛТА ў прэс-службе кіраўніка дзяржавы.

"Гэта светлае свята дорыць вернікам надзею на духоўнае выратаванне, вучыць бязмежнай любові і ахвярнасці ў імя бліжняга. Хрысціянскія спагада і клопат, прастата і добразычлівасць даўно сталі культурным здабыткам беларускага народа. Мы адкрываем сэрца тым, хто прыходзіць з мірам, і самі гатовы дзяліцца з маючымі патрэбу хлебам і прытулкам", - гаворыцца ў віншаванні.

Аляксандр Лукашэнка ўпэўнены, што, захоўваючы праваслаўныя традыцыі міласэрнасці і маральнай чысціні, разам беларусы створаць найлепшую будучыню для роднай краіны.

"Няхай Калядная куцця напоўніць вашы дамы душэўнай цеплынёй, шчырасцю пачуццяў і ўзаемаразуменнем, а радасць гэтых святочных дзён натхніць на новыя стваральныя здзяйсненні ў новым годзе", - пажадаў Прэзідэнт.

Віншаванне Прэзідэнта Беларусі з Раством Хрыстовым

Праваслаўным хрысціянам Беларусі

Дарагія суайчыннікі!

Сардэчна віншую вас з Нараджэннем Хрыстовым.

Гэта светлае свята дорыць вернікам надзею на духоўнае выратаванне, вучыць бязмежнай любові і ахвярнасці ў імя бліжняга.

Хрысціянскія спагада і клопат, прастата і добразычлівасць даўно сталі культурным здабыткам беларускага народа. Мы адкрываем сэрца тым, хто прыходзіць з мірам, і самі гатовы дзяліцца з маючымі патрэбу хлебам і прытулкам.

Перакананы, захоўваючы праваслаўныя традыцыі міласэрнасці і маральнай чысціні, разам мы створым найлепшую будучыню для роднай Беларусі.

Няхай Калядная куцця напоўніць вашы дамы душэўнай цеплынёй, шчырасцю пачуццяў і ўзаемаразуменнем, а радасць гэтых святочных дзён натхніць на новыя стваральныя здзяйсненні ў новым годзе.

Жадаю ўсім здароўя, шчасця і дабрабыту.

Аляксандр Лукашэнка

версія для друку

зрабіць стартавай

дабавіць у выбранае