Галоўныя навіны

Лукашэнка: прыняўшы абноўленую Канстытуцыю, беларусы адстойваюць свае традыцыі

3 сакавіка, Мінск /Кар. БЕЛТА/. Беларусы адстойваюць і будуць адстойваць свае традыцыі. Аб гэтым Прэзідэнт Беларусі Аляксандр Лукашэнка заявіў сёння ў час цырымоніі ўручэння дзяржаўных узнагарод у Палацы Незалежнасці, перадае карэспандэнт БЕЛТА.

"Няхай не крыўдзяцца на мяне мужыкі з вялікімі зоркамі (аб іх я скажу асобна), але жанчына спакон веку ў любога народа, у любой культуры была ў цэнтры сусвету", - падкрэсліў Аляксандр Лукашэнка.

Таму, адзначыў Прэзідэнт, у Беларусі такое ўважлівае стаўленне да маці, жонак, сясцёр, дачок, а таксама да сям'і і дзяцей, проста да любімых. "І гэта адна з асноў, я нават сказаў бы, фундаментальная апора нашага грамадства. І гэты фундамент мы забетанавалі ў новай Канстытуцыі нашай краіны", - сказаў кіраўнік дзяржавы.

"Мы адстойвалі і будзем адстойваць свае традыцыі, як гэта зрабілі, прыняўшы Канстытуцыю. Будзем берагчы гэтак жа, як памяць продкаў, гераічную гісторыю і славянскае братэрства", - заявіў беларускі лідар.

Разам з тым Аляксандр Лукашэнка звярнуў увагу, што гэта місія немагчыма без мужчын.

"Вам, мужыкі, гавару проста: няма больш ганаровай прафесіі, чым абараняць Айчыну, служыць краіне і свайму народу. Уручаючы генеральскія пагоны і заслужаныя ўзнагароды, хачу яшчэ раз падзякаваць вам, а ў вашай асобе ўсёй нашай арміі і сілавым структурам за службу нашай Радзіме", - звярнуўся Прэзідэнт да ваеннаслужачых.

версія для друку

зрабіць стартавай

дабавіць у выбранае