Галоўныя навіны

Лукашэнка прыняў кіраўніцтва МУС з дакладам аб стане аператыўнай абстаноўкі ў Беларусі і развіцці ведамства

14 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка прыняў кіраўніцтва МУС з дакладам аб стане аператыўнай абстаноўкі ў краіне і развіцці сістэмы органаў унутраных спраў, перадае карэспандэнт БЕЛТА.

Асноўны дакладчык - міністр унутраных спраў Іван Кубракоў. Сярод удзельнікаў мерапрыемства дзяржаўны сакратар Савета бяспекі Аляксандр Вальфовіч і намеснікі кіраўніка МУС - Мікалай Карпянкоў і Дзмітрый Карзюк.

"Людзі нашы ўжо ведаюць і разумеюць, што апошнім часам мы шмат займаемся ўдасканаленнем сістэмы кіравання ў нашай дзяржаве. У тым ліку і, напэўна, перш за ўсё што датычыцца ваеннага яе складніка. У выніку той сітуацыі, якая складваецца вакол Беларусі. Ды і ўнутры праблем хапае. Таму ў гэтым напрамку мы абмяркуем і сённяшнія пытанні ўдасканалення дзейнасці Міністэрства ўнутраных спраў. І разгледзім шэраг іншых пытанняў, якія вы, перш за ўсё міністр, хацелі даўно абмеркаваць і прыняць адпаведнае рашэнне", - сказаў Прэзідэнт.

Аляксандр Лукашэнка пры гэтым падкрэсліў і папрасіў мець на ўвазе, каб не было нейкай ведамаснасці і празмернасцей, не адпаведных напрамкам развіцця дзяржавы. "Усё павінна ўкладвацца ў адзіную канцэпцыю, і дзейнічаць мы павінны адэкватна сітуацыі. Я намякаю на тое, што лішніх грошай ніколі няма. Не было і не будзе. Калі трэба - значыць, трэба. Калі можам пацярпець - значыць, трэба пацярпець. У плане пашырэння, можа, нават нейкіх трат на забеспячэнне жыццядзейнасці нашых ваенных падраздзяленняў. Наогул сілавога блока. Таму калі магчыма пацярпець - значыць, трэба пацярпець да пэўнага часу. Але калі гэта пераспела ўжо, то трэба хутка прымаць рашэнне", - адзначыў беларускі лідар.

версія для друку

зрабіць стартавай

дабавіць у выбранае