Галоўныя навіны
Лукашэнка падкрэсліў важнасць захавання і развіцця нацыянальнай культурнай спадчыны
31 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў прывітанне ўдзельнікам і гасцям Дня беларускага пісьменства. Аб гэтым БЕЛТА паведамілі ў прэс-службе кіраўніка дзяржавы.
"Шчыра вітаю гасцей i ўдзельнікаў Дня беларускага пісьменства, які сёлета адзначаецца на гасціннай брэсцкай зямлі ў самабытным горадзе Івацэвічы. Гэтае свята нагадвае нам аб важнасці захавання i развіцця праз кнігу нацыянальнай культурнай спадчыны, духоўных традыцый народа. Такія каштоўнасці яднаюць людзей i спрыяюць росквіту краіны. Літаратура i матчына мова былі i застаюцца падмуркам у выхаванні высокіх маральных якасцей, фарміраванні грамадзянскасці", - гаворыцца ў віншаванні.
Аляксандр Лукашэнка выказаў упэўненасць, што беларусы заўжды з павагай будуць адносіцца да сваёй гістарычнай спадчыны, берагчы невычэрпныя культурныя скарбы продкаў, штодзённа сваёй працай умацоўваць суверэнітэт дзяржавы. "Шанаваць нашу мову i славутых майстроў слова - песняроў роднай зямлі", - падкрэсліў Прэзідэнт.
Прывітанне Прэзідэнта ўдзельнікам і гасцям Дня беларускага пісьменства
Удзельнікам i гасцям Дня беларускага пісьменства
Паважаныя сябры!
Шчыра вітаю гасцей i ўдзельнікаў Дня беларускага пісьменства, які сёлета адзначаецца на гасціннай брэсцкай зямлі ў самабытным горадзе Івацэвічы.
Гэтае свята нагадвае нам аб важнасці захавання i развіцця праз кнігу нацыянальнай культурнай спадчыны, духоўных традыцый народа. Такія каштоўнасці яднаюць людзей i спрыяюць росквіту краіны. Літаратура i матчына мова былі i застаюцца падмуркам у выхаванні высокіх маральных якасцей, фарміраванні грамадзянскасці.
Упэўнены, што беларусы заўжды з павагай будуць адносіцца да нашага гістарычнага здабытку, берагчы невычэрпныя культурныя скарбы продкаў, штодзённай працай умацоўваць суверэнітэт дзяржавы. Шанаваць нашу мову i славутых майстроў слова - песняроў роднай зямлі.
Сардэчна жадаю гасцям i ўдзельнікам мерапрыемства здароўя, згоды i дабрабыту, а таксама новых цікавых сустрэч, поспехаў i творчага натхнення.
Аляксандр Лукашэнка
версія для друку
зрабіць стартавай
дабавіць у выбранае