14 кастрычніка, Мінск /Кар. БЕЛТА/. Па значнасці і адказнасці мацярынская місія не ведае сабе роўных. Аб гэтым гаворыцца ў віншаванні Прэзідэнта Беларусі Аляксандра Лукашэнкі з нагоды Дня маці, паведамілі БЕЛТА ў прэс-службе беларускага лідара.
"У гэта светлае свята ніхто не можа застацца раўнадушным. Колькі б гадоў нам ні споўнілася, менавіта да маці мы звяртаемся перш за ўсё, менавіта яна больш, чым хто-небудзь іншы, радуецца нашым поспехам, падтрымлівае пры няўдачах, перажывае за кожны наш крок па жыццёвым шляху. Над яе нястомным бацькоўскім клопатам не ўладныя ні час, ні адлегласці", - гаворыцца ў віншаванні.
Кіраўнік дзяржавы адзначыў, што па значнасці і адказнасці мацярынская місія не ведае сабе роўных.
"Даць жыццё малышу, выхаваць яго сапраўдным чалавекам - вялікае прызначэнне. Перш за ўсё ад маці дзіця атрымлівае ўрокі маральнасці, справядлівасці, любові да сваёй Айчыны, - сказаў Аляксандр Лукашэнка. - Шчаслівы той чалавек, якога ахоўваюць мацярынская любоў і малітва. Таму сёння кожны з нас павінен сказаць самаму дарагому чалавеку цёплыя словы ўдзячнасці".Прэзідэнт падзякаваў беларускім жанчынам, якія сталі мамамі і бабулямі, "за падоранае жыццё, за бяжмежнае цярпенне, за ўкладзеныя ў нас сілы, за цяпло дамашняга ачага".
"Няхай справы, учынкі і лёсы вашых дзяцей і ўнукаў прыносяць вам толькі радасць і гонар", - падкрэсліў Аляксандр Лукашэнка і пажадаў суайчынніцам здароўя і шчасця на доўгія гады.
Дарагія суайчынніцы!
Сардэчна віншую вас з Днём маці!
У гэта светлае свята ніхто не можа застацца раўнадушным.
Колькі б гадоў нам ні споўнілася, менавіта да маці мы звяртаемся перш за ўсё, менавіта яна больш, чым хто-небудзь іншы, радуецца нашым поспехам, падтрымлівае пры няўдачах, перажывае за кожны наш крок па жыццёвым шляху. Над яе нястомным бацькоўскім клопатам не ўладныя ні час, ні адлегласці.
Па значнасці і адказнасці мацярынская місія не ведае сабе роўных. Даць жыццё малышу, выхаваць яго сапраўдным чалавекам - вялікае прызначэнне. Перш за ўсё ад маці дзіця атрымлівае ўрокі маральнасці, справядлівасці, любові да сваёй Айчыны.
Шчаслівы той чалавек, якога ахоўваюць мацярынская любоў і малітва. Таму сёння кожны з нас павінен сказаць самаму дарагому чалавеку цёплыя словы ўдзячнасці.
Мілыя маці і бабулі, нізкі паклон вам!
Дзякуй за падоранае жыццё, за бяжмежнае цярпенне, за ўкладзеныя ў нас сілы, за цяпло дамашняга ачага.
Няхай справы, учынкі і лёсы вашых дзяцей і ўнукаў прыносяць вам толькі радасць і гонар.
Будзьце здаровыя і шчаслівыя доўгія-доўгія гады!
Аляксандр Лукашэнка.
14 кастрычніка 2015 года.