Галоўныя навіны
Лукашэнка: наша агульная задача - праз дыялог і ўзаемаразуменне прымнажаць патэнцыял і славу роднай зямлі
17 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчыннікаў з Днём народнага адзінства. Аб гэтым БЕЛТА паведамілі ў прэс-службе беларускага лідара.
"Гэта свята звяртае нас да знамянальнай даты, што стала важнейшай вяхой у гісторыі беларускай нацыі, якая, прайшоўшы скрозь боль і выпрабаванні, здабыла дзяржаўнасць, суверэнітэт і сусветнае прызнанне, - адзначыў кіраўнік дзяржавы. - Падзеі 17 верасня 1939 года заклалі трывалы фундамент для дасягненняў і поспехаў сучаснай Беларусі, прадвызначылі яе далейшы шлях развіцця. У аснове нашай з'яднанасці - вернасць памяці продкаў, багатая культурная спадчына, стойкасць і працавітасць, блізкія кожнаму з нас традыцыйныя каштоўнасці".
Аляксандр Лукашэнка таксама падкрэсліў: "Беларусы навучыліся быць разам не толькі ў барацьбе, але і ў стварэнні, у сваіх імкненнях і дасягненні мэт. Наша агульная задача - праз дыялог і ўзаемаразуменне прымнажаць патэнцыял і славу роднай зямлі, захаваць яе самабытнасць і міжнародны аўтарытэт".
"Няхай мір і згода пануюць у кожнай сям'і, а адзінства і патрыятызм заўсёды будуць надзейнай апорай ва ўмацаванні Айчыны. Жадаю ўсім моцнага здароўя, шчасця і дабрабыту", - адзначыў у віншаванні Прэзідэнт Беларусі.
Віншаванне Прэзідэнта Беларусі з Днём народнага адзінства
Дарагія суайчыннікі!
Віншую вас з Днём народнага адзінства!
Гэта свята звяртае нас да знамянальнай даты, што стала важнейшай вяхой у гісторыі беларускай нацыі, якая, прайшоўшы скрозь боль і выпрабаванні, здабыла дзяржаўнасць, суверэнітэт і сусветнае прызнанне.
Падзеі 17 верасня 1939 года заклалі трывалы фундамент для дасягненняў і поспехаў сучаснай Беларусі, прадвызначылі яе далейшы шлях развіцця.
У аснове нашай з'яднанасці - вернасць памяці продкаў, багатая культурная спадчына, стойкасць і працавітасць, блізкія кожнаму з нас традыцыйныя каштоўнасці.
Беларусы навучыліся быць разам не толькі ў барацьбе, але і ў стварэнні, у сваіх імкненнях і дасягненні мэт. Наша агульная задача - праз дыялог і ўзаемаразуменне прымнажаць патэнцыял і славу роднай зямлі, захаваць яе самабытнасць і міжнародны аўтарытэт.
Няхай мір і згода пануюць у кожнай сям'і, а адзінства і патрыятызм заўсёды будуць надзейнай апорай ва ўмацаванні Айчыны.
Жадаю ўсім моцнага здароўя, шчасця і дабрабыту.
Аляксандр Лукашэнка.
17 верасня 2023 года.
версія для друку
зрабіць стартавай
дабавіць у выбранае