Галоўныя навіны

Лукашэнка на Навагоднім балі: Беларусь - краіна магчымасцей

24 снежня, Мінск /Кар. БЕЛТА/. Беларусь - краіна магчымасцей. Аб гэтым Прэзідэнт Беларусі Аляксандр Лукашэнка заявіў на Навагоднім балі для моладзі ў Палацы Незалежнасці, перадае карэспандэнт БЕЛТА.

"Сёння ў наш Палац Незалежнасці прыйшло яркае, прыгожае свята. Натхняючае свята. Свята, галоўным упрыгажэннем якога з'яўляецеся вы, нашы дарагія ўдзельнікі Навагодняга балю, - сказаў кіраўнік дзяржавы. - Для мяне вельмі важна, каб вы адчулі гэта свята, асаблівую атмасферу Палаца - сімвала нашай незалежнасці. Паглядзелі на Мінск з яго вокнаў, на сваім прыкладзе ўбачылі, што родная Беларусь - гэта краіна магчымасцей".

Звяртаючыся да ўдзельнікаў балю, кіраўнік дзяржавы адзначыў, што гэты вечар дорыць ім шмат магчымасцей знайсці новых сяброў, паразмаўляць з тымі, чый жыццёвы вопыт ужо сёння можа стаць сур'ёзным арыенцірам у будучыню.

"Яшчэ раз хачу павіншаваць вас, вашых родных, вашых блізкіх, усіх беларусаў з надыходзячым Новым годам, надыходзячымі святамі! Будзьце заўсёды шчаслівыя і беражыце сваю краіну - нашу Беларусь", - заклікаў беларускі лідар.

версія для друку

зрабіць стартавай

дабавіць у выбранае