Галоўныя навіны

Лукашэнка 20 снежня прыме ўдзел у самітах ЕАЭС і СНД

Фота з архіва

19 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 20 снежня зробіць рабочы візіт у Расійскую Федэрацыю. Аб гэтым БЕЛТА паведамілі ў прэс-службе беларускага лідара.

У Санкт-Пецярбургу кіраўнік дзяржавы прыме ўдзел у пасяджэнні Вышэйшага Еўразійскага эканамічнага савета, якое пройдзе ў вузкім і пашыраным складах. Лідары краін падвядуць вынікі развіцця інтэграцыйнага ўзаемадзеяння ў бягучым годзе, абмяркуюць існуючую праблематыку і перспектывы сумеснай работы ў наступны перыяд, таксама з улікам пераходу да Беларусі ў 2020 годзе старшынства ў ЕАЭС.

У парадак дня пасяджэння ўключаны пытанні, якія датычацца стратэгічных напрамкаў развіцця еўразійскай эканамічнай інтэграцыі, назначэння старшыні і персанальнага складу Калегіі Еўразійскай эканамічнай камісіі (ЕЭК), вынікаў дзейнасці і асноўных падыходаў да фарміравання кадравага складу ЕЭК, а таксама шэрага іншых канкрэтных напрамкаў міждзяржаўнага ўзаемадзеяння.

Аляксандр Лукашэнка таксама прыме ўдзел у нефармальным саміце кіраўнікоў дзяржаў СНД, у ходзе якога будзе магчымасць абмеркаваць актуальны парадак дня ў дзейнасці Садружнасці.

Традыцыйна на пляцоўках самітаў чакаюцца сустрэчы Прэзідэнта Беларусі Аляксандра Лукашэнкі з замежнымі калегамі па тэматыцы двухбаковага супрацоўніцтва. У прыватнасці, плануецца прадоўжыць перагаворы з Прэзідэнтам Расіі Уладзімірам Пуціным на прадмет вырашэння пытанняў у сферы беларуска-расійскіх адносін.

версія для друку

зрабіць стартавай

дабавіць у выбранае