Галоўныя навіны

Пад кіраўніцтвам Андрэя Масквіна на працягу форуму працавала нефармальная маладзёжная лабараторыя крытыкаў, у яе склад таксама ўвайшлі маладыя рэжысёры.

На думку моладзі, з якой згодны і сам кіраўнік лабараторыі, лепшы малады рэжысёр форуму - Ігар Казакоў (Магілёўскі абласны тэатр лялек, спектакль "На дне"), лепшы малады акцёр - Максім Студзяноўскі (акцёр Санкт-Пецярбургскага тэатра "Майстэрня"), лепшая маладая актрыса - Ірына Ткачэнка (тэатр "Залатыя вароты", Кіеў), лепшая сцэнаграфія - Таццяна Нерсісян (спектакль "На дне", Магілёў), лепшая музыка - Мікіта Залатар (спектакль "Інтэрв'ю з ведзьмамі", Беларускі дзяржаўны тэатр лялек) і лепшы акцёрскі ансамбль - спектакль "Васа" ("Ведагонь-тэатр", Масква).

Прыз сімпатый гледачоў атрымаў спектакль "Раскас" Маскоўскага драматычнага тэатра "Сфера".

Ужо апошнія два гады на форуме няма прафесійнага журы. Усім калектывам уручаюцца дыпломы ўдзельнікаў, а таксама сімвал свята - тэатральная маска.

У цяперашнім форуме прынялі ўдзел 20 спектакляў з дзевяці краін свету: Беларусі, Расіі, Польшчы, Украіны, Германіі, Балгарыі, Арменіі, Малдовы і Літвы.

Праект стартаваў у 2006 годзе. За 10 гадоў правядзення форум стаў адным з самых значных і чаканых культурных падзей не толькі ў Магілёве, але і ва ўсёй тэатральнай прасторы Беларусі. Геаграфія форуму шырокая, за ўсе гады яго правядзення было паказана больш за 140 спектакляў з розных краін свету. Іх паглядзелі больш за 50 тыс. гледачоў. Заснавальнікамі форуму з'яўляюцца Магілёўскі абласны выканаўчы камітэт, галоўнае ўпраўленне ідэалагічнай работы, культуры і па справах моладзі Магілёўскага аблвыканкама, Магілёўскі абласны драматычны тэатр.