Галоўныя навіны
Гімнастка Меліціна Станюта стала пераможцай міжнароднага турніру ў Рызе
16 сакавіка, Мінск /Кар. БЕЛТА/. У Рызе прайшоў 16-ы міжнародны турнір "Baltic Hoop 2015", у якім беларуская гімнастка Меліціна Станюта ўзнялася на вышэйшую прыступку п'едэстала, паведамілі БЕЛТА ў Беларускай асацыяцыі гімнастыкі.
Лідар беларускай каманды Меліціна Станюта ў мнагабор'і набрала 69.650 балаў. Сярэбраную ўзнагароду заваявала расіянка Ірына Аненкава (69.517), тройку прызёраў замкнула гімнастка з Азербайджана Гулсум Шафізада (66.567). Кацярына Галкіна, якая таксама прадстаўляла Беларусь, заняла сёмае месца (63.633).
Паралельна з традыцыйным турнірам у рыжскім Алімпійскім спартыўным цэнтры праходзіў Кубак памяці Людмілы Качкалды, у якім прымалі ўдзел юніёркі ў групавым практыкаванні. З рэзультатам 31.400 балаў беларуская каманда атрымала ўпэўненую перамогу. На другім месцы гімнасткі Расіі - 29.717, бронзу заваявалі гаспадыні турніка - каманда Латвіі - 27.450.
версія для друку
зрабіць стартавай
дабавіць у выбранае