Галоўныя навіны

"Ідзе глабальная інфармацыйная вайна". Лукашэнка абазначыў для дзяржСМІ задачы на сённяшні дзень

25 сакавіка, Мінск /Кар. БЕЛТА/. Дзяржаўныя сродкі масавай інфармацыі павінны не толькі ўтрымліваць фокус увагі аўдыторыі і інфармаваць яе, але і думаць пра ўласнае развіццё. Аб гэтым Прэзідэнт Беларусі Аляксандр Лукашэнка заявіў сёння на нарадзе аб бягучых пытаннях дзейнасці сродкаў масавай інфармацыі, перадае карэспандэнт БЕЛТА.

Прэзідэнт адзначыў, што ў час нарады размова пойдзе аб задачах, якія павінны вырашацца ў інфармацыйнай сферы. "Ідзе глабальная інфармацыйная вайна, удзельнікамі якой мы з'яўляемся. Не скажу, што гэта па нашай волі", - сказаў кіраўнік дзяржавы.

Таксама на парадку дня абмеркаванні праблемных пытанняў у рабоце вядучых беларускіх СМІ. "Як бы ні было цяжка, вы павінны не толькі ўтрымліваць фокус увагі аўдыторыі, інфармаваць, растлумачваць, падтрымліваць, але і думаць пра ўласнае развіццё", - адзначыў Аляксандр Лукашэнка.

"Мы не павінны апусціць рукі - урок 2020 года, калі нам здавалася, што ўсё добра. Але не. Таму трэба працаваць", - падкрэсліў Прэзідэнт.

версія для друку

зрабіць стартавай

дабавіць у выбранае