Галоўныя навіны
Беларуская яхтсменка Таццяна Драздоўская ўпершыню ўзначаліла сусветны рэйтынг у класе "Лазер-Радыял
10 красавіка, Мінск /Сяргей Трафімовіч - БЕЛТА/. Беларуская яхтсменка Таццяна Драздоўская ўпершыню ў гісторыі айчыннага паруснага спорту ўзначаліла сусветны рэйтынг у алімпійскім класе суднаў "Лазер-Радыял". У апубліканаваным Міжнароднай федэрацыяй паруснага спорту
(ISAF) рэйтынгу-лісце беларуска мае 878 балаў, паведамляе карэспандэнт БЕЛТА.Рэйтынг-лісты
ISAF абнаўляюцца кожны месяц. У сакавіку Таццяна Драздоўская займала другі радок з 860 баламі. Прагрэсіў у рэйтынгу ўдаўся за кошт перамогі на этапе Кубка Еўропы ў Мальчэзіне (Італія) на возеры Гарда, а таксама шостаму месцу на этапе Кубка свету ў іспанскай Пальме, які завяршыўся чатыры дні таму.За Таццянай Драздоўскай у сусветным рэйтынгу класа яхт "Лазер-Радыял" размяшчаюцца аўстралійская спартсменка Крыстал Вэйр, у якой 742 балы, і пераможца этапу Кубка свету ў Пальме Элісан Янг з Вялікабрытаніі (737). Усяго ў рэйтынгу прадстаўлены 444 спартсменкі.
Таццяна Драздоўская з'яўляецца вядучай яхтсменкай Беларусі ў класе "Лазер-Радыял", трэніруецца пад кіраўніцтвам Сяргея Марозава. Яна шматразовая чэмпіёнка краіны, пераможца і прызёр этапаў Кубка свету, удзельніца фіналаў чэмпіянатаў свету і Еўропы. У 2000 годзе выканала нарматыў майстра спорту міжнароднага класа. У 2007 годзе стала чэмпіёнкай свету. Таццяна Драздоўская прыняла ўдзел ў чатырох Алімпіядах (2000, 2004, 2008, 2012). На Алімпійскіх гульнях 2008 года ў Пекіне заняла 23-е месца, 2012 года ў Лондане - 15-е месца.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
