Галоўныя навіны

Беларус Анатоль Хоміч перамог у штурханні ядра на II Гульнях краін СНД

Анатоль Хоміч

6 жніўня, Мінск /Кар. БЕЛТА/. На Нацыянальным алімпійскім стадыёне "Дынама" прадаўжаецца розыгрыш медалёў спаборніцтваў па лёгкай атлетыцы на ІІ Гульнях краін СНД, паведамляе карэспандэнт БЕЛТА.

У фінальным турніры па штурханні ядра выступілі дзевяць юных спартсменаў з шасці краін. Залаты медаль у гэтым відзе праграмы заваяваў наш Анатоль Хоміч, які ў лепшай са спроб адправіў снарад на 18,75 м. Другі рэзультат паказаў расіянін Максім Сакалоў (17,16 м), Дастанбек Абдзімуталаў з Узбекістана - трэці (16,85 м). Яшчэ адзін беларус Данііл Дземідзюк заняў чацвёртае месца.

Дзяўчаты вызначаць мацнейшых у штурханні ядра ў панядзелак, 7 жніўня.

версія для друку

зрабіць стартавай

дабавіць у выбранае